Югары Осланның картлар интернатында “Яран гөле” дип аталган гөлләр яратучылар клубы эшли башлады. Анда өзлексез практикумнар үтә: рассадалар чәчү, орлыкларны үрчетү, гөл төрләре белән танышу, аларны үстерү ысулларын өйрәнү – бар да була бу дәресләрдә.
Специалистлар әйтүенчә, мондый мавыгулар олы яшьтәге кешеләрнең күңелен ача, кәефен күтәрә һәм хезмәткә карата мөнәсәбәтен үзгәртә.