Якут укучылары Матюшино мәктәбендә кунакта
Көзге каникул көннәрендә 31 октябрьдән 6 ноябрьгә кадәр Матюшино урта мәктәбендә ерак Якутиянең Верхневилюй урта мәктәбе тарих укытучысы Ильин Егор җитәкчелегендә бер төркем укучылар кунакта булып китте.
Ике мәктәп арасындагы узара килешү нигезендә укучылар тормыш куркынычсызлыгы нигезләре фәне буенча Бөтенроссия укучылар олимпиадасының региональ этабына хәзерләнү максаты белән кайтканнар.
Матюшино мәктәбе базасында кунакларга теоретик һәм практик дәресләр, ә Кама Тамагының Затон мәктәбендә кыяга менү күнекмәләре ныгытылды.
Кунаклар өчен Казан шәһәренә, Свияжск утравына, мәктәпнең туган якны өйрәнү музеена, Сугышчан Дан залына, технопаркка, Идел елгасы буена экскурсияләр оештырылды. Шулай ук якутлылар белән дустанә очрашубулып узды. Һәр ике як үзләренең мәктәпләре, традицияләре, туган яклары турында сөйләде.
Онытылмас хатирәләр һәм рәхмәт сүзләре белән якутлылар үзләренең туган якларына кайтып киттеләр. Без аларга укуларында уңышлар, тормышларында бәхет теләп калабыз.