“ЭКО яз - 2019” кысаларында массакүләм өмә
20 апрель көнне Казанда Үзәк өмә уңышлы һәм күңелле узды. Анда катнашучылар – иҗтимагый оешмалар вәкилләре, министрлыклар һәм ведомстволар хезмәткәрләре, профильле югары уку йортлары студентлары – Горкин-Әмәт урманы территориясендә чисталык кына түгел, уңай эмоцияләр белән дә эшләделәр.
Массакүләм өмәдә шулай ук Татарстан Республикасы Дәүләт Советының Экология, табигатьтән файдалану, агросәнәгать һәм азык-төлек сәясәте комитеты рәисе Таһир Һадиев, Казан районара табигать саклау прокуроры вазыйфаларын башкаручы Илнур Нәфыйков, КНИТУ-КХТИ ректоры Сергей Юшко катнашты.
ЭКО форматында чарада катнашучылар өчен 6 интерактив мәйданчык әзерләнгән иде. Алар арасында иң яше - «эко - класс» җимлекләр ясау, оригами техникасын үзләштерү, агитация лозунглары булган табличкалар ясау буенча мастер-класслар зонасында булдылар.
Урман паркы зонасын җыештыруга 3 меңгә якын кеше кушылган иде. Чүп-чарны фракцияләр буенча җыйдылар: пыяла, кәгазь, пластик. Өйдән катнашучыларга шулай ук электр, макулатура, батарейкалар, лампочкалар һәм пластик калдыклар китерергә тәкъдим ителде – җыелган икенчел чимал эшкәртүгә җибәреләчәк.