23 нче декабрьдә Коргуза авылында яшәүче Мария Афанасьевна һәм Александр Григорьевич Спириннарның зөбәрҗәт туйларын билгеләп үттеләр.
Алар иңне-иңгә куеп 55 ел буе бергә гомер иткәннәр, авыл халкы алдында бик зур хөрмәт казандылар.
Бүгенге көндә алар балалары, оныклары өчен бик зур терәк һәм рәхмәткә лаек ата-ана. Алар – яхшы гаилә үрнәге.
55 еллык юбилей белән котлап Спириннар гаиләсен “Районның Почетлы юбилярлары” дигән кенәгәгә керттеләр һәм район башлыгы Марат Зиатдиновның котлаулары белән бүләген тапшырдылар.