“2018 нче ел җитәкчесе”

2018 елның 26 декабре, чәршәмбе

26 нчы декабрьдә район башлыгы Марат Зиатдинов “2018 нче ел җитәкчесе” иҗтимагый конкурсы йомгакларына багышланган тантанада катнашты.

Ул Президент Рөстәм Миннеханов катнашында “Корстон” күңел ачу Үзәгендә узды.
Чара башында катнашучыларга “Татарстан – 2018” исемле фильм күрсәттеләр.

“2018 нче ел җитәкчесе” дигән конкурста 85 җитәкче номенантлар исемен яулады. Аларны бүләкләү тантанасы бик рәсми төс алды. Аларга күкрәк билгесе һәм дипломнар тараттылар, ә Минтимер Шәймиев үзенең “Яңарыш” фонды турындагы китапның 9 нчы томын өләште.