“Ел укытучысы – 2018” йомгаклары
Конкурс – ул һәрвакыт сынау. Профессионализм, күңел көче, омтылыш, характер сынавы. Конкурс – ул үзеңне башкаларга күрсзтү, ачылышларыңны тәкъдим итү һәм башкалардан тәҗрибә туплау. Конкурс ул – аерым бер дөнья, аралашу, ярышу, табышлар һәм уңышлар ул.
Ел укытучысы конкурсының йомгаклары билгеле булды. 21 катнашучы арасында “Дәрес”, “Мастер – класс”, Класстан тыш чара” этаплары буенча нәтиҗәләр түбәндәгечә:
- Җиңүчеләр: Синицына Наталья – Югары Ослан мәктәбенең химия укытучысы, Гатина Эльза - Иннополис мәктәбенең җәмгыять белеме укытучысы.
- Призер: Лазарева Роза – Коргуза мәктәбенең география укытучысы.
Номинацияләрдә җиңүчеләр арасында:
- «Педагогик дебют» - Гусев Сергей, Куралово мәктәбенең физкультура укытучысы;
- бу номинациядә призер булып Тулаева Яна – Яр Морквашының башлангыч класслар укытучысы танылды.
- Конкурсның зона һәм республика этабы 2019 нчы елда узачак.
Җиңүчеләргә уңышлар телик!