Югары Ослан муниципаль районында юбилярлар хөрмәтенә танатаналы чара булды

2019 елның 18 гыйнвары, җомга

18 нчы гыйнвар көнне  Югары Ослан муниципаль  районының Октябрь авыл җирлегендә Садыковлар гаиләсе Сабир улы Галимҗан  һәм Галим кызы Флюрия 50 ел бергә тигез гомер итүләрен, алтын туйларын билгеләп үттеләр.

50 ел  бергә гомер иткән  Садыковлар гаиләсен “Районның мактаулы юбилярлары” китабына теркәделәр һәм бу бәхетле парлар  үзләренең имзаларын куйдылар. ГХАТ бүлеге җитәкчесе Наталья Кадырова    юбилярларга саулык,тынычлык,тигез озын гомер теләп Югары Ослан муниципаль район башлыгы Марат Зиатдиновның  мактау хатын һәм истәлекле бүләген тапшырды. Юбилярлар исеменә  Октябрь авыл җирлеге башлыгы Шамиль Азизовта үзенең җылы сүзләрен әйтеп бүлəк тапшырды. Бу котлауларга балалары, туганнары,якыннары да кушылдылар.