Гражданнарның үзара салым акчаларын түләмәвенең хокукый нәтиҗәләре
Югары Ослан муниципаль районы авыл җирлекләрендә үткәрелгән җирле референдум нәтиҗәләре буенча күпчелек тавыш белән җирлек территориясендә яшәүче һәр балигъ граждан өчен билгеле күләмдә үзара салым акчаларын кертү турында Карар кабул ителде. Әлеге референдумнарда шулай ук җирле әһәмияттәге мәсьәләләрне хәл итүгә гражданнарның җыелган үзара салым акчаларын тоту өчен конкрет максатлар һәм аларны тоту юнәлешләре билгеләнде.
Гражданнарның үзара салым акчаларын кертү мөмкинлеге «Россия Федерациясендә җирле үзидарә оештыруның гомуми принциплары турында " 2003 елның 6 нчы октябрендәге 131-ФЗ номерлы Федераль законның 56 нчы статьясында билгеләнгән. Күрсәтелгән норма нигезендә гражданнарның үзара салым акчалары астында җирле әһәмияттәге конкрет мәсьәләләрне хәл итү өчен башкарыла торган бер тапкыр түләүләр аңлашыла. Гражданнарның үзара салым түләүләре күләме муниципаль берәмлекнең барлык халкы өчен дә тигез күләмдә билгеләнә, алар саны муниципаль берәмлек халкының гомуми саныннан 30 проценттан артып китә алмый һәм алар өчен түләүләр күләме кимергә мөмкин. Гражданнарның күрсәтелгән бер тапкыр бирелә торган түләүләрен кертү һәм куллану мәсьәләләре җирле референдумда (гражданнар җыенында) хәл ителә.
«Россия Федерациясендә җирле үзидарә оештыруның гомуми принциплары турында» Федераль законның 2, 22 һәм 43 статьялары таләпләре нигезендә җирле референдумнарда кабул ителгән, шул исәптән үзара салым акчаларын кертү турында карарлар муниципаль хокукый актлар булып тора һәм муниципаль берәмлек территориясендә мәҗбүри үтәлергә тиеш.
ТР КоАП 7.4 нче статьясы нигезендә, ТР КоАП 2.6 нчы статьясында каралган административ хокук бозулар турындагы эшләрне муниципаль районның административ комиссияләре карый.
Моннан тыш, җирле референдумнарда гражданнарның үзара салым акчаларын кертү һәм куллану турында кабул ителгән карарлар үтәлмәгән очракта, җирле үзидарә органнары да әлеге акчаларны тиешле гариза белән судка мөрәҗәгать итү юлы белән суд тәртибендә түләттерергә хокуклы.