Ирләр парады

2019 елның 22 феврале, җомга

2019 елның 20 февралендә район үзәк китапханәсендә ир-атлар өчен Ватанны саклаучылар көненә багышланган «Марш-бросок» дип исемләнгән хәрби – патриотик әдәбият күргәзмәсе-парады ачылды.

Укучылар игътибарына булачак яклаучылар – солдат һәм офицерлар, курсантлар һәм хәрби училищелар кадетлары темасы буенча  әдәбият һәм вакытлы журналлар тәкъдим ителде. Китаплар арасында күргәзмәдә танылган авторларның М. Алексеевның «Солдатлар», К. Симоновның «Солдатлар тумыйлар», Т. Журавлевның «Рядовой Антипов», Б. Бобровскийның «Намус белән акланган», А. Тамониковның «Солдатлар» әсәрләре тәкъдим ителде.