Саха Якутия Республикасы мәктәпләре директорлары өчен төбәкара семинар
Мәктәп - ул бала дөнья белән таныша, үз көчләрен сынап карый, үз мөмкинлекләрен һәм сәләтен белә торган урын. Ул шәхесне социальләштерүнең мөһим чарасы, яшьләрне авылда тормышка һәм хезмәткә әзерләү факторы булып тора.
Матюшино урта мәктәбендә педагогик хезмәткәрләрнең квалификациясен күтәрү, авыл мәктәбендә башлангыч һөнәри белем бирүне оештыру буенча тәҗрибә алмашу максатыннан «Агротехнологик профиль - укытуда шәхси-юнәлешле алым» темасына төбәкара семинар узды. Семинарда Саха Якутия Республикасы мәктәп директорлары катнашты.
Семинарда агротехнология юнәлеше буенча хезмәт тәрбиясе һәм укытуның актуаль мәсьәләләре, профориентация эше һәм Югары Ослан муниципаль районы Югары уку йортлары һәм предприятиеләре белән хезмәттәшлек турында фикер алыштылар. Семинар кунакларына 10-11 сыйныф укучылары белән һөнәри әзерлек дәресләре һәм дәресләрнең фрагментлары тәкъдим ителде.