Югары Ослан муниципаль районында гаилә тормышы юбилярларын хөрмәтләү
2019 елның 7 мартында Югары Ослан муниципаль районы Башкарма комитетының ЗАГС бүлегендә Владимир Александрович һәм Лидия Степановна Строкиннарның алтын туйларын билгеләп үтү һәм бу парларны котлау тантанасы булып узды.
Алтын юбилярлар Владимир Александрович һәм Лидия Степановналарны котлау оныкларының никахларын теркәү көнендә узды. Яшь парларга Алтын юбилей көнендә аларның оныклары үзләренең никахларын теркәп, матур гаилә традициясенә әверелсеннәр иде.
Уртак тормышларының 50 еллыгы уңаеннан Строкиннар гаиләсенең исемнәре «Районның мактаулы юбилярлары» китабына кертелде, анда алар үз имзаларын куйдылар. Гражданлык хәле актларын теркәү бүлеге җитәкчесе Ә. Кадыйрова юбилярларга сәламәтлек, иминлек, тынычлык һәм озын гомер теләде, Югары Ослан муниципаль районы башлыгы М. Г. Зиатдиновның Рәхмәт хатын һәм истәлекле бүләген тапшырды. Юбилярлар адресына балалары, оныклары, туганнары һәм якыннарының бик күп җылы сүзләре яңгырады.