Без сезне хәтерлибез! 

2019 елның 25 марты, дүшәмбе

Бөек Җиңүнең юбилеен бәйрәм итүгә әзерлек кысаларында «Хәтер намусы» эзтабарлар отряды әгъзалары картлар һәм инвалидлар интернат – йортында булдылар. Алар Бөек Ватан сугышының билгесез геройлары турында кечкенә генә чыгыш әзерләгәннәр. 

Балалар һәр сүзгә үз кичерешләрен кертергә тырыштылар. Ә өлкәннәр аларны бик җылы кабул иттеләр. Балалар адресына интернат-йорт директоры Т. Н.. Васильева җылы сүзләр әйтте һәм аларга ялгыз картларга булган игътибар өчен рәхмәт белдерде. 

Соңыннан милләтләр һәм Халыклар дуслыгы, хәтер, бердәмлек турында сөйләшү булды. Шуңа күрә балалар үзләре генә чыгыш ясап калмыйча, дуслык, толерантлык дәресләре дә алдылар.  Ә бу кыйммәткә ия.