Хәрәкәтле уеннар һәм спорт элементлары белән уеннар

2019 елның 10 апреле, чәршәмбе

9 нчы апрель көнне Югары Ослан "Кояшкай» балалар бакчасы базасында Мәктәпкәчә белем бирү оешмалары педагоглары өчен «Мәктәпкәчә яшьтәге балаларның физик үсешендә хәрәкәтчән уеннар һәм спорт элементлары белән уеннар" темасына семинар – практикум узды.

Балалар бакчасында спорт уеннары - мәктәпкәчә яшьтәге балаларны үстерү һәм тәрбияләүнең мөһим коралы. Хәрәкәтчән команда уеннары физик һәм психик сыйфатларны камилләштерүгә ярдәм итә. Алар яңа күнекмәләр формалаштыруда ярдәм итәләр, балаларның актив хәрәкәттә, аралашуда һәм уңай хис-кичерешләрдә булган ихтыяҗларын канәгатьләндерәләр.

Семинар барышында әлеге теманың теоретик һәм гамәли аспектлары яктыртылды.