Габдулла Тукайның тылсымлы битләре
Вакыт бара, ел уза, буыннар үзгәрә. Кешеләр йөз ел элек аларның ата-бабалары яшәгән кебек яшәми инде. Бер гасыр эчендә яшәү рәвеше, көнкүреше, фикерләү ничә тапкыр үзгәрде. Үз йөзен үзгәртмәгән бердәнбер әйбер-әдәби классика. Татар халкы өчен ул-бөек шагыйрь, публицист, хәзерге татар теленә нигез салучы Габдулла Тукай.
24 апрель көнне Район балалар китапханәсендә Китап укучылар игътибарына язучының тууына 133 ел тулу уңаеннан «Габдулла Тукайның тылсымлы битләре» дигән китап-портреты ачылды.
Күргәзмәдә Габдулла Тукай әсәрләре: шигырьләр, поэмалар, әкиятләр һәм язучы турында китаплар тәкъдим ителде. Күргәзмә язучының «Шүрәле» әкиятеннән Батыр аты, «Бала һәм Күбәләк» һәм Шүрәле үзе әкиятләренә багышланган балалар рәсемнәре белән бизәлгән иде.
Күргәзмә үзенең укучылары, Габдулла Тукай иҗатын яратучылар белән очрашуга шат булачак.