Кулланучы әлифбасы: заказга мебель сатып алу

Үрнәкләре буенча мебель сатып алучылар һәм оешмалар арасында хокукый мөнәсәбәтләр Евразия икътисадый комиссиясе Советының 2012 елның 15 июнендәге 32 номерлы карары белән кабул ителгән «Җиһаз продукциясе иминлеге турында» Таможня берлегенең Техник Регламенты (ТС 025/2012), Россия Федерациясе Граждан кодексы, «Кулланучылар хокукларын яклау турында» 07.02.1992 ел, №2300-1 Россия Федерациясе Законы, шулай ук Россия Федерациясе Хөкүмәтенең 21.07.1997 ел, № 918 карары белән расланган үрнәкләр буенча товарлар сату кагыйдәләре белән җайга салына.
Билгеле суммада алдан түләп, заказ рәсмиләштергәндә, тиешле килешү төзергә кирәк.

Шул ук вакытта сатып алучы алдан түләнгән товарны тапшыру шартнамәсендә билгеләнгән срокны бозу аркасында үзенә китерелгән зыянны тулысынча каплауны таләп итәргә хокуклы. 

Кимчелекләре булган җиһазларны кире кайтару сатып алучы тарафыннан сатучы таләбе буенча һәм аның хисабына башкарыла.

Сатып алучы сатучыдан сыйфатсыз товарны сату нәтиҗәсендә китерелгән зыянны тулысынча каплауны таләп итәргә хокуклы.