"Татарстанда кыр көне - 2019»
Бүген район башлыгы Марат Зиатдинов ТР Президенты Р. Н. Миңнеханов катнашында Идел буеның иң эре агротехник күргәзмәсен ачу тантанасында катнашты. Татарстан Республикасы Президенты Р. Н. Миңнехановның Лаеш муниципаль районында булды.
Ачылу тантанасында чыгыш ясап, Рөстәм Миңнеханов агротехник күргәзмәне югары дәрәҗәдә оештырганнары өчен рәхмәт белдерде. "Бу мәйданчыкта безнең күп партнерларыбыз үз продукциясен һәм технологияләрен тәкъдим итте. Эшлекле программа мастер-класслар, түгәрәк өстәлләр, конференцияләр үткәрүне күздә тота. Без күргәзмә эшендә 3,5 мең АПК белгеч катнашыр дип көтәбез», - дип ассызыклады Татарстан Республикасы Президенты.
Татарстан Республикасы Президенты билгеләп үткәнчә, заманча технологияләрне үстермичә һәм гамәлгә кертмичә көндәшлелеккә сәләтле булып калу бик авыр. «Бүген безгә Автопилот системасы булган трактор, терлекчелектә иң заманча технологияләр, корылыкка чыдам авыл хуҗалыгы культураларының үрнәкләрен тәкъдим иттеләр. Бу бик зур тәҗрибә. Ышанам ки, безнең күп кенә тәэмин итүчеләр үз багланышларын киңәйтә алачак», - дип ассызыклады Рөстәм Миңнеханов.