Егетләр сынатмады
Быел «Хәтер намусы» эзләнү отрядына биш ел. Ул Югары Ослан мәктәбе базасында оештырылган. Шушы биш ел эчендә отряд формалашкан.
Бүген аңа Ерак 2015 елда кергән кешеләр мәктәпне тәмамладылар һәм берничә көннән студентлар булачак. Ә отряд тулыланды. 6-8 сыйныф укучылары килде. Алар берничә тапкыр яшьтәшләре алдында мәктәптә, интернат-йортта әби-бабайлар алдында чыгыш ясадылар, хәтер маршына Шылаңгы мәктәбенә бардылар. Митингларда, акцияләрдә катнаштылар. Кыскасы, Невский пяточкасына барырга әзерләндек. Аларга куркыныч та, кызык та иде... Казан эзтабарлары Санкт-Петербургка билетлар сатып алганда, бездә акча мәсьәләсе хәл ителмәгән. Балаларга көч биреп торырга район башлыгы Марат Зиатдинов алынды.
Ленинградны саклаучылар, кемнеңдер әтиләре, уллары, абыйлары турында мәгълүматлар саран... Аларның берсе исемсез каберләрдә яталар. Башкаларның сөякләре әле дә солдат соңгы тапкыр бу дөньяны, күкне, агачлар күргән җирдә ята. Югары Ослан егете тапкан кашыкның хуҗасы кем икәнен ничек белергә?