Ослан балалары өчен әхлак курслары

2019 елның 1 августы, пәнҗешәмбе

Сигезенче ел рәттән Югары Ослан мәчетендә мөселман балалары өчен җәйге сәламәтләндерү-тәрбия курслары уздырыла.

Быел җәй дә мәктәпкәчә һәм мәктәп яшендәге 30дан артык бала биредә ике төркемгә бүленеп белем алды.  Ике атна дәвамында аларның әхлак һәм Ислам нигезләрен Коръән-хафиз Фәйзулла һәм Хәния ханым Гафиятуллина укыттылар.

Курсларга йөрүче балалар буш вакытларында спорт, өстәл уеннары белән бик теләп шөгыльләнделәр.  Ә мәчеттә уку традицион мөселман Сабантуе белән төрле уеннар һәм конкурслар белән тәмамланды.