Корбан бәйрәме-ул иң төп Ислам бәйрәмнәренең берсе. Ул изге Рамазан ае тәмамланганнан соң 70 көннән соң бөтен дөнья мөселманнары тарафыннан билгеләп үтелә.
Быел Корбан бәйрәме 11 августка туры килә.
Әлеге истәлекле көн уңаеннан район үзәк китапханәсе үз укучыларына Корбан бәйрәме турында дөрес күзаллау бирә, аның килеп чыгу тарихы турында сөйли, тынычлык, татулык, игелек пропагандалаучы ислам дине белән таныштыра торган «Корбан бәйрәменең якты нуры» дип исемләнгән китап күргәзмәсе тәкъдим итә.