Иннополис беренче тапкыр Татарстан Дәүләт Советына депутатлар сайлый

2019 елның 8 сентябре, якшәмбе

Бүген 7.00 сәгатьтә Татарстан Республикасы Дәүләт Советына депутатлар сайлауларында тавыш бирә башлаганчы ук Иннополис өстеннән төрле төстәге матур һава шары күтәрелде. Шулай итеп, шәһәр мэриясе сайлаучыларны сайлауларга чакырды һәм 1259 нчы сайлау участогы урнашкан пунктны билгеләде.
 «Бу безнең өчен зур вакыйга, чөнки без беренче тапкыр үзебездә Татарстан парламентына сайлауларда тавыш бирәбез, - ди Иннополис мэры Руслан Шагалиев. - Шуңа күрә кешеләр гражданлык бурычларын үтәү өчен кая барырга кирәклеген Ерактан күреп алсын өчен күккә һава шарын күтәрергә карар иттеләр. Иннополис безнең барлык яңа, кызыклы нәрсәләрне җәлеп итүебез белән дан тота. Һава торышы бүген менә дигән. Сайлаучылар саны югары булыр дип ышанам.