Хәл итәсе мәсьәләләр 

Бүген җәйге каникуллардан соң район ветераннар Советы Президиумы әгъзалары җыелды. Җәй көне, район башлыгы карары белән, безгә яңа бина бирелде. Шуңа күрә хәзер безнең офис Яшьләр клубының беренче катында урнашкан. 

Көн тәртибендә берничә сорау торды. Алар Өлкәннәр көненә әзерлек һәм аны үткәрү, иң яхшы йорт һәм йорт яны участогына конкурска йомгак ясау, пенсионерларның икенче район иҗат эшләре күргәзмәсен оештыру һ. б. ларга кагылышлы иде.