Яшь гражданнар форумы
Кичә Югары Ослан авылы мәдәният йорты базасында Татарстан Республикасы балалар оешмалары Советы тарафыннан оештырылган Югары Ослан районының Яшь Гражданнары Форумы булып узды.
Форум балалар инициативаларына ярдәм итүгә, районнарда иҗтимагый эшчәнлекне үстерүгә, районның балалар иҗтимагый оешмаларына ярдәм итүгә, шулай ук балалар һәм яшьләр проблемаларын ачыклауга һәм хәл итүгә юнәлдерелгән.
Форум эшендә балалар хәрәкәтенең 97 активисты катнашты. Өч төркемгә бүленеп, балалар эшчәнлекнең төп тугыз юнәлеше буенча проектлар төзү буенча эш алып бардылар. Иң яхшы идеяләр һәм проектлар форумның пленар утырышында тәкъдим ителде һәм резолюциягә кертелде. Пленар утырышта район башлыгы Марат Зиатдинов катнашты, аңа иң яхшы идеяләр һәм тәкъдимнәр җыелган резолюция тапшырылды. Марат Галимҗанович кабул ителгән проектларның төп моментларына игътибар итте һәм аларның кайберләрен хәл итүдә үз ярдәмен тәкъдим итте.