Татар музыкасы кичәсе
Узган чәршәмбедә, 2020 елның 26 февралендә, Балалар сәнгать мәктәбе залында Ел саен үткәрелә торган татар музыкасы концерты булды, ул ТАССРның 100 еллыгына, Бөек Ватан сугышында җиңүнең 75 еллыгына һәм балалар сәнгать мәктәбенең 50 еллыгына багышланды.
Бу концерт матур традициягә әверелде, аның ярдәмендә район балалары һәм халкы профессиональ һәм халык музыкасы, хореография һәм сынлы сәнгать үрнәкләре белән танышалар. Концертта сәнгать мәктәбе укучылары һәм укытучылары катнашты. Бу кичтә татар халык музыкасы, Р. Беляев, Н. Җиһанов, Р.Бакиров, С. Сәйдәшев, З. Хәбибуллин, М. Салихов, Н. Әхмәтов, М. Мозаффаров һ. б. авторларның әсәрләре яңгырады, ә фойеда сәнгать бүлеге укучыларының эшләреннән күргәзмә оештырылды.
Сценарийны балалар сәнгать мәктәбе укытучылары Әхмәтханова А. Ю. һәм Сөнгатуллин и. Р. әзерләделәр – Кәлимуллина Ф. К..
Бөтендөнья татар конгрессының Югары Ослан бүлеге рәисе Г.И. Дәүләтшина балалар сәнгать мәктәбе коллективына районда милли мәдәниятне пропагандалау һәм үстерү өчен Рәхмәт хаты тапшырды.