Татарстанда авыл халкының эшлекле активлыгын арттыру буенча зона семинар-киңәшмәләре узачак
Татарстан Республикасы Авыл хуҗалыгы һәм азык-төлек министрлыгы хәбәр иткәнчә, 11-27 март көннәрендә авыл халкының эшлекле активлыгын арттыру буенча зона семинар-киңәшмәләре узачак.
Бу семинарлар уздыру катнашачак ТР Дәүләт Советы рәисе Фәрит Мөхәммәтшин, ТР Дәүләт Советы Рәисе урынбасары Марат Әхмәтов, авыл җирлекләре башлыклары, кооперативлар, авыл җирлекләре башлыклары, кооперативлар, фермерлар һәм шәхси ярдәмче хуҗалык тотучылар катнашачак.
Семинар-киңәшмә кысаларында «Авыл территорияләрен комплекслы үстерү» дәүләт программасын гамәлгә ашыру механизмнары, авыл хуҗалыгында кече формаларга дәүләт ярдәме чараларын камилләштерү һәм авылда эшкуарлыкны үстерүнең заманча инструментларын камилләштерү мәсьәләләре буенча фикер алышачаклар.
Беренче зона семинары 11 мартта Чүпрәле районында узачак. Чарада Апас, Буа, Югары Ослан, Яшел Үзән, Кайбыч, Кама Тамагы, Спас һәм Тәтеш районнары катнашачак.
13 мартта семинар Түбән Кама шәһәрендә узачак. Катнашу өчен Әгерҗе, Аксубай, Алексеевск, Әлки, Алабуга, Зәй, Менделеевск, Минзәлә, Яңа Чишмә, Чистай, Тукай районнары чакырыла.
24 мартта чара Саба районында узачак: Арча, Әтнә, Балтач, Биектау, Кукмара, Лаеш, Мамадыш, Питрәч, Балык Бистәсе һәм Теләче районнары.
27 мартта семинар Бөгелмә шәһәрендә – Азнакай, Актаныш, Әлмәт, Баулы, Лениногорск, Мөслим, Нурлат, Сарман, Чирмешән һәм Ютазы районнары узачак.