Район башлыгы мөрәҗәгате

2020 елның 30 марты, дүшәмбе

Хөрмәтле Югары Ослан халкы һәм кунаклары! Яңа коронавирус йогышы таралуны кисәтү максатыннан Махсус санитар-эпидемиологик режим кертелде. Барыгызны да әлеге хәлгә җаваплы карарга чакырам! Урамга азык-төлек, дарулар сатып алу өчен генә чыгарга тырышыгыз.

Ышаныгыз, хәзер иң куркынычсызы – өйдә булу! Үзегезне һәм якыннарыгызны саклагыз!

Исегезгә төшерәбез, районда азык-төлек, ялгыз һәм өлкән яшьтәге кешеләргә дарулар китерү мәсьәләләре буенча ☎ 2-23-55 «кайнар линия» телефоны эшли.

Шалтырату кабул итү вакыты:
эш көннәрендә 8.00 дән 17.00 сәгатькә кадәр, төшке аш 12.00 дән 13.00 сәгатькә кадәр.

Хөрмәт белән, Югары Ослан муниципаль районы башлыгы Марат Зиатдинов