Кадастр палатасы: ЕГРН чикләре турында мәгълүматларны кертү вакыты озайтылды
Татарстан буенча Кадастр палатасы торак пунктлар һәм территориаль зоналар чикләре турында мәгълүматларны бердәм дәүләт күчемсез милек реестрына (ЕГРН) кертү срокларын 2024 елның 1 гыйнварына кадәр озайту турында хәбәр итә.
"Срокны озайту-торак пунктлар һәм территориаль зоналар чикләре турындагы мәгълүматларны кертү буенча шактый күләмле эш күләменә нигезләнә торган кирәкле чара", - дип билгеләп үтә Татарстан Республикасы буенча Кадастр палатасы директоры Анна Корнилова.
ЕГРНда торак пунктларның чикләре булу. Шулай итеп, федераль законга кертелгән үзгәрешләр нигезендә, 2024 елга барлык торак пунктларның чикләрен күчемсез милек реестрына кертү эше төгәлләнергә тиеш.
Татарстанда бүгенге көндә ЕГРНга кертелгән торак пунктларның чикләре 21,5% ка (671 берәмлек) җиткән, гомуми саны – 3118. Агымдагы елда 66 торак пункт чикләре кертелде. Нигездә, бу Балтач һәм Лениногорск районнары торак пунктларының чикләре. Шулай ук бу юнәлештә Буа, Тукай һәм Баулы районнары чикләрен кертү буенча актив эш алып барылды.