Район прокуратурасы белән берлектә ППЭ 2401 тикшерү
3 нче июльдән Югары Ослан гимназиясе базасында бердәм дәүләт имтиханын тапшыруның төп чоры башланды һәм ул 25 нче июльгә кадәр дәвам итәчәк. Быел БДИ вузга керү өчен кирәк булган фәннәр буенча гына тапшыра. Ә алар быел 76 кеше. Әгәр 11 сыйныф укучысы әлегә укуын дәвам итәргә җыенмый икән, быел БДИны тапшырмаска мөмкин. Шуңа күрә 17 кеше шәхси гариза буенча БДИ тапшырудан баш тарткан.
Шулай ук чыгарылыш сыйныф укучыларының ППЭга керү режимы да көчәйде. Бүген имтиханга узу өчен һәр чыгарылыш сыйныф укучысын керү юлында медицина хезмәткәре һәм аудиториядән читтә оештыручы каршы ала. Барлык катнашучылар да дистанцияне үтиләр һәм бер-берсеннән 1,5 метр ераклыкта торалар.
10 июльдә чыгарылыш сыйныф укучылары математиканы тапшыра. БДИга 62 катнашучы килде. Мәгариф бүлеге хезмәткәрләре, район прокуратурасы вәкиле белән берлектә, БДИ үткәргәндә барлык санитар-эпидемиологик нормаларга туры килү-килмәүгә ППЭ 2401 тикшерү үткәрделәр.