Бөек Ватан сугышы елларында һәлак булган геройларга һәм тыл хезмәтчәннәренә һәйкәл ачылуга багышланган тантаналы митинг
25 нче июль көнне Шеланга авыл җирлеге территориясендә Бөек Ватан сугышында һәлак булган геройларга һәм тыл хезмәтчәннәренә һәйкәл ачу тантанасы булып узды.
Һәйкәл авыл халкы җыйган акчага куелган.
Бу истәлекле вакыйгага бик күп кунаклар җыелды. Югары Ослан муниципаль районы башлыгы Марат Зиатдинов барлык җыелучыларны иң беренче булып котлады, әлеге изге эштә катнашканнарга һәм авыл халкына рәхмәт сүзләрен җиткерде.
"Иң мөһиме-безгә якты күк һәм тыныч тормыш бүләк иткән кешеләр турында хәтер. Һәйкәл төзү һәм төзекләндерү буенча зур эш башкарылды, авыл халкы белән горурланалар", - диде Марат Галимҗанович.
Һәм, ничек тиешенчә, барлык җыелганнар да изге эшне догалар белән ачтылар. Һәлак булганнарны бер минут тынлык белән искә алдылар һәм Бөек Ватан Сугышы Геройлары һәйкәленә чәчәкләр салдылар.