"Мәктәпкә җыенырга ярдәм ит!" акциясе

2020 елның 2 августы, якшәмбе

Районда «Мәктәпкә җыенырга ярдәм ит» хәйрия акциясе дәвам итә.

Кичә, акция кысаларында, Россия Федерациясе Дәүләт Думасы депутаты Ирек Зиннуров Куралово мәктәбенең булачак беренче сыйныф укучылары өчен канцелярия кирәк-яраклары тутырылган 16 портфель тапшырды.

Әлеге портфельләр балаларга мәктәп администрациясе тарафыннан якын көннәрдә тапшырылачак.

«Мәктәпкә җыенырга ярдәм ит» акциясендә теләгән һәркем катнаша ала.