Эш мәсьәләләре буенча киңәшмә
Бүген Югары Ослан районы Советы һәм Башкарма комитеты аппаратында гражданнар мөрәҗәгатьләре белән эшләү, агымдагы мәсьәләләр буенча традицион киңәшмә узды. Киңәшмәне район башлыгы Марат Зиатдинов алып барды. Анда беренче тапкыр район Башкарма комитетының яңа җитәкчесе Илнур Шакиров катнашты.
Совет аппараты һәм Башкарма комитетның эш нәтиҗәләре буенча аналитик мәгълүматны Башкарма комитетның гомуми бүлек җитәкчесе Анна Йосыпова тәкъдим итте.
Шулай ук районның рәсми сайтына керү, тулылану һәм яңарту мәсьәләсе дә каралды. Система администраторы Алексей Савичев октябрь аенда район сайтына керүчеләр саны артты, дип хәбәр итте. Халыкның кызыксынуы кадрлар үзгәрешләре-район Башкарма комитетының яңа җитәкчесен билгеләү белән бәйле.
Салым түләү срогы 1 декабрьгә кадәр булган салымнар түләү мәсьәләсе дә каралды. Муниципаль хезмәткәрләр спартакиадасына әзерлек турында Яшьләр эшләре һәм спорт бүлеге начальнигы Александр Федотов сөйләде. Хатын-кызлар волейболы буенча җыелма команданы формалаштыруда проблемалар бар.
Барлык сораулар буенча да район башлыгы җаваплы башкаручыларга йөкләмәләр бирде.