Авыр атлетика буенча олимпия чемпионы А. П. Курынов истәлегенә Бөтенроссия ярышлары
28 октябрьдән 31 октябрьгә кадәр Яшел Үзәндә «Маяк» спорт комплексында авыр атлетика буенча олимпия чемпионы А.п. Курынов истәлегенә Бөтенроссия ярышлары узды.
Ярышларда Россиянең һәм РТ ның иң көчле спортчылары катнашты. Татарстан Республикасын 23 спортчы тәкъдим итте, шул исәптән безнең Югары Ослан спорт мәктәбе спортчылары Голубина Анастасия һәм Потапов Максим.
Анастасия 64кг. га кадәр авырлык категориясендә чыгыш ясады, ул анда берсүзсез җиңү яулады. Үз тренеры Мансуров Ришат Мансуровичның сизгер җитәкчелегендә Анастасия ике төр ярышны 175кг күтәреп, көндәшләреннән 10кг га артып, пьедесталның беренче баскычына менде.
Максим 109кг га кадәр авырлык категориясендә чыгыш ясады һәм 223кг күләмендә ике төр ярыш суммасы белән 6 нчы урынны алды.
Спортчыларыбызны һәм тренер Ришат Мансуровны лаеклы бүләк белән котлыйбыз.