Югары Ослан районында "Иң яхшы комбайнчы" конкурсы җиңүчесе билгеләнде»

2020 елның 3 ноябре, сишәмбе

Татарстан Республикасы Авыл хуҗалыгы һәм азык - төлек министрлыгы «Иң яхшы комбайнчы-2020» республика конкурсына йомгак ясады, ул ел саен комбайнчы һөнәренең абруен күтәрү һәм популярлаштыру, уңышны оператив һәм сыйфатлы җыеп алу, шулай ук Татарстан Республикасы агросәнәгать комплексында урып-җыю техникасын нәтиҗәле файдалану максатларында уздырыла.

Быел Министрлыкның конкурс комиссиясе республикада һәм район дәрәҗәсендә иң күп ашлык суктыру һәм иң күп чабу мәйданы күрсәткечләре буенча 200 җиңүчене билгеләде. Белгечләр 100әр мең сум акча алачак. Иң яхшылар арасында Югары Ослан районыннан комбайнчы Владимир Раков та бар.