Социаль контракт

2020 елның 16 ноябре, дүшәмбе

Югары Ослан муниципаль районында «Өмет утравы» халыкны социаль тәэмин итү комплекслы үзәгенең гаиләгә һәм балаларга социаль ярдәм бүлекчәсе белгечләре социаль контракт нигезендә дәүләт социаль ярдәмен күрсәтү кысаларында гражданнарны кабул итәләр.

Социаль контрактның максаты-аз керемле гражданнарга даими мөстәкыйль керем чыганаклары хисабына югары тормыш дәрәҗәсенә чыгарга ярдәм итү.

Социаль контракт төзү барышында консультация бирелә, әңгәмә кәгазе тутырыла һәм гаиләгә социаль адаптация программасы төзелә, гариза бирүче белән бергә.