"Халкым мирасы" төбәкара фестивале

2020 елның 30 ноябре, дүшәмбе

28 ноябрьдә Йошкар-Ола шәһәрендә Мари Эл Республикасында татар мәдәнияте көннәре кысаларында "Халкым мирасы" төбәкара фестивале узды. Югары Ослан районыннан әлеге фестивальдә "САФ" коллективы катнашты, ул үзен "традицион мәдәниятне йөртүче"буларак күрсәтә алды. Коллективта катнашучыларның номерларын җанлы башкару жюрига һәм тамашачыларга аларның иҗатына тирәнтен үтеп керергә ярдәм итте.
Коллектив дүрт номинациядә чыгыш ясады һәм призлы урыннар яулады, шулай ук "фестивальдә актив катнашкан өчен"сертификаты алды.
"САФ" коллективын җиңүләре белән котлыйбыз һәм киләчәктә дә иҗади үсеш телибез!