Введенка Бистәсе авыл җирлегендә халык җыены
21нче гыйнвар көнне Введенка Бистәсе авыл җирлегенең 2020нче елгы социаль-икътисади үсеш нәтиҗәләре һәм 2021нче елга бурычлар турында гражданнар җыены булып узды. Халык алдында отчет белән җирлек башлыгы Дмитрий Морозов чыгыш ясады. Шулай ук участок урманчысы в.Пензинның урманда янгын куркынычсызлыгы кагыйдәләре турында чыгышы тыңланды.
Җыенда Югары Ослан муниципаль районы башлыгы Марат Зиатдинов, Россия Федерациясе Федераль Җыены Дәүләт Думасы депутаты Ирек Гыйльметдинов, Югары Ослан муниципаль районы прокуроры Василий Егоров катнашты.
Җыенда билгеләп үтелгәнчә, 2020 елда авыл җирлеге тарафыннан зур күләмле эш башкарылган, әмма кайбер мәсьәләләр буенча җитешсезлекләр бар, алар әле хәл ителмәгән һәм күбрәк вакыт таләп итә, ә нәкъ менә халыкны су белән тәэмин итү. Шулай ук керем өлешенең үтәлеше билгеләп үтелде. Җирле бюджетның төп салымнары физик затлар кереме 119% ка үтәлгән, физик затлар милкенә салым – 134% ка, оешмалар һәм физик затлардан җир салымы 150% ка үтәлгән.