Рөстәм Миңнеханов М12 автомагистраленең киләчәк төзелеше участокларын карады
Бүген Татарстан Президенты Мәскәү-Казан тиз йөрешле автомобиль юлын төзү урыннарын карады һәм муниципалитет башлыкларының яңа автоюл узачак мөрәҗәгатен тыңлады.
ТР Президенты матбугат хезмәтендә хәбәр итүләренчә, бүген Рөстәм Миңнеханов М12 яңа тиз йөрешле автомагистраленең 7 һәм 8 участогы төзеләчәк территорияне карап чыкты, шулай ук масштаблы төзелеш урынында эшлекле очрашу уздырды. Татарстан Республикасы Президенты матбугат хезмәте җитәкчесе Лилия Галимова сүзләренә караганда, Рөстәм Миңнеханов яңа автомобиль юлын төзүгә әзерлекнең ничек алып барылуын карады, шулай ук аңа трассировка урынында башкарыла торган эшләр турында хәбәр иттеләр.
Бүгенге көндә, автотрассаның 7 нче участогында үсемлек катламын төшерү, грунт эшләү, мәйданны планлаштыру, вакытлыча автомобиль юлы плитәләрен урнаштыру, ут баганаларын урнаштыру эшләре бара. 8 участокта вакытлыча керү юллары төзелеше, төзелеш мәйданчыкларын төзекләндерү эшләре бара, инженер-геологик эзләнүләр алып барыла. Идел аша күпер кичүен төзү эшләре башланды.