Югары Ослан районы башлыгы ветераннар белән Геройлар паркында якташларны искә алды
Традицион очрашу Югары Осланның иң матур һәм мәһабәт урыннарының берсе ачылуга 6 ел тулу уңаеннан узды.
Югары Ослан районы башлыгы Марат Зиатдинов ветераннарның җирле активы белән очрашты.
Ветераннар советы рәисе Римма Троицкая күптән түгел Волгоград өлкәсеннән эзтабарлар экспедициясеннән кайткан Татарстан отрядының 35 совет солдатының җәсәдләрен күтәрүе турында сөйләде.
Марат Галимҗанович Троицкая йөзендә эзтабарларга фидакарьлекләре, бүген безгә кирәк булган хәтерне саклап калулары өчен рәхмәт белдерде.
- Хәтер булачак, иртәгәсе көн дә булачак, - диде Марат Галимҗанович.
Сталинград янында һәлак булган ветеранның оныкчыгы, яшь скульптор Тимофей Тюрин да үз чыгышында яшь буын Икенче бөтендөнья вакыйгаларын белергә һәм истә тотарга һәм бу истәлекне балаларына тапшырырга тиеш, дип билгеләп үтте.
Чәчәкләр салынганнан соң, район башлыгы 8-9 май көннәрендә район торак пунктларында һәм Югары Осланда Җиңү көненә багышланган митинглар узачагын искәртте һәм ветераннарны чарага чакырды. Римма Сергеевна туган якка мәхәббәт турында үзенең матур шигырьләрен укыды. Шулай ук тар даирәдә Геройлар паркында мөмкин булган үзгәрешләр турында фикер алыштылар. Тик бу хакта сөйләргә иртәрәк әле.