ТР буенча баш федераль инспектор Югары Ослан муниципаль районында гражданнарны шәхсән кабул итте
2021 елның 28 маенда Татарстан Республикасы буенча Баш федераль инспектор Виктор Демидов Югары Ослан авылында гражданнарны шәхси кабул итте.
Чарада шулай ук Татарстан Республикасы прокуроры урынбасары Олег Дәминов һәм Россия Федерациясе Тикшерү комитетының Татарстан Республикасы буенча Тикшерү идарәсе җитәкчесе урынбасары Марсель Дулкарнаев катнашты.
ТР буенча Баш федераль инспекторга 14 граждан мөрәҗәгать итте. Югары Ослан авылында су белән тәэмин итү, пассажирлар причалы төзү, мәктәпкәчә һәм гомуми белем бирү учреждениеләре төзелеше, укучыларның куркынычсызлыгы, муниципаль җирләрдән файдалану, Аракчино бистәсе аша кичүне оештыру, балалар хокукларын яклау, Югары Ослан районы территориясендә чехословак легионерларына һәйкәл куюның дөреслеге, «ЗВКС» су белән тәэмин итү өчен бурычлар һәм башкалар буенча Татарстан Республикасында яшәүчеләрнең барлык мөрәҗәгатьләре, алар буенча Россия Федерациясенең гамәлдәге законнары нигезендә тулы күләмдә аңлатмалар бирелде.