Район башлыгының Сабантуй бәйрәме белән котлавы
Хөрмәтле Югары Осланлылар һәм район кунаклары!
Сезне чын күңелдән иң яраткан халык бәйрәмнәренең берсе-Сабантуй белән котлыйм!
Сабантуй милли традицияләрне саклау үрнәге булып тора. Ул үзенең кунакчыллыгы һәм киң күңеллелеге белән йөрәкләрне яулый, кече Ватанның матурлыгын, тормыш – икмәк символының чын кыйммәтен данлый.
Бу көнне без авыл хезмәтчәннәрен, җитештерү алдынгыларын, хуҗалык җитәкчеләрен һәм районның барлык өлкәләрендәге иң яхшы хезмәткәрләрне хөрмәтлибез.
Халык бәйрәме төрле яшьтәге, төрле милләт һәм дин вәкилләренең дустанә аралашуына ярдәм итә. Бүген ул Халыклар дуслыгы символы булып тора һәм районның социаль-икътисади үсешенә зур өлеш кертә, безнең уртак йортыбыздагы тынычлыкны һәм татулыкны ныгыта.
Чын күңелемнән бәйрәм атмосферасына чумып, җыр-бию һәм ярышларның матурлыгына сокланам. Район халкына һәм кунакларына нык сәламәтлек, тынычлык һәм иминлек телим.
Бәйрәм сезгә бик күп онытылмаслык һәм якты тәэсирләр алып килсен!
Хөрмәт белән, Югары Ослан муниципаль районы башлыгы М. Г. Зиатдинов