24 СЕНТЯБРЬ-ТАТАРСТАН РЕСПУБЛИКАСЫ ПРОФСОЮЗЛАРЫ КӨНЕ
2010 елдан башлап Татарстан Республикасы Дәүләт Советы карары белән ел саен 24 сентябрьдә билгеләп үтелә торган «Татарстан Республикасы Һөнәр берлекләре көне» бәйрәме рәсми рәвештә расланды. Әлеге Дата юкка гына сайланмаган-1920 елның 24 сентябрендә Татарстан һөнәр берлекләренең I Съезды республика һөнәр берлекләре берләшмәсен һөнәр берлекләре Советы дип атарга карар иткән. Сүз уңаеннан шуны да әйтергә кирәк, Татарстан профсоюз бәйрәме нәкъ менә шундый форматта – Профсоюзлар көне билгеләнгән Россиянең беренче төбәге булды.
Татарстан Республикасы Һөнәр берлекләре көнен бәйрәм итү кысаларында Югары Ослан территориаль оешмасының башлангыч профсоюз оешмалары төрле спорт чаралары, профсоюз әгъзалары белән киңәшмәләр, өлкән сыйныф укучылары өчен Профсоюз дәресләре үткәрделәр, шулай ук профсоюз әгъзаларына электрон һөнәр берлекләре билетларын тапшырдылар.
Хөрмәтле профсоюз әгъзалары! Сезне чын күңелдән Татарстан Республикасы Профсоюзлары көне белән котлыйбыз! Нык сәламәтлек, иминлек, бәхет, профсоюз сафларының бердәмлеген, җаваплы эшегездә яңа уңышлар телибез!