Кремль укулары-балаларга
Шундый девиз астында 21 октябрьдә Казан шәһәрендә « Татарстан Республикасы: тарих, мәдәният һәм традицияләр»I Республика фәнни –гамәли конференциясе узды.
Туган тел һәм Халык бердәмлеге елында конференцияне үткәрү республика тарихына, туган телне саклап калуга, мәдәниятләрне һәм гореф-гадәтләрне өйрәнүгә кагылышлы актуаль мәсьәләләрне хәл итә.
Конференция кысаларында 3 секция эшләде, аларның икесендә безнең район укучылары да катнашты.
«Үз республикамны яратам һәм аның тарихын беләм» секциясендә МББУ «Татар Борнашы урта гомуми белем бирү мәктәбе» нең 10 сыйныф укучысы Абгарян Наира катнашты (җитәкчесе Дадыкина И. Н.). Ул» Бөек Ватан сугышы елларында "Беренче Май" колхозы " эше белән чыгыш ясады.
«Без алар белән горурланабыз» секциясендә Карахуҗа урта мәктәбе укучысы Абзалов Радик « Петр Гаврилов - Брест ныгытмасының соңгы сакчысы» һәм Октябрь урта мәктәбе укытучысы Азизов Адель «Космос җирдә башлана»эше белән катнаштылар.
Барлык катнашучылар да Рәхмәт хатлары белән бүләкләнде. Конференция эше кысаларында республиканың Милли музее заллары буйлап экскурсияләр оештырылды.