Югары Ослан районында халык санын алу дәвам итә
Узган тәүлектә халык санын алуда 495 кеше катнашты.
2021 елның 2 ноябренә сораштыру кәгазьләренең сорауларына барлыгы 11971 кеше җавап бирде, бу 74,34% тәшкил итә. Район 700дән артык кешегә планнан калыша.
Чара тәмамланганчы ике атнадан кимрәк вакыт калды. Исегезгә төшерәбез, Халык санын алу процедурасында өч ысул белән катнашырга мөмкин:
- дәүләт хезмәтләре порталында иң уңайлы һәм куркынычсыз сораштыру узарга. Моның өчен расланган Хисап язмасына ия булырга кирәк;
- стационар исәпкә алу участогына килергә. Районда 6 стационар участок ачылды.
- исәпкә алучыны өйдә көтеп торырга.
Исәпкә алу участокларының адреслары:
Югары Ослан, КФҮ
Югары Ослан, Чехов ур., 18 (район Башкарма комитеты бинасы)
Иннополис шәһәре, Парк ур., 1
Куралово авылы, Үзәк ур., 25
Рус Макылы авылы, Пионер ур., 18
Шеланга авылы, Октябрь ур., 53