Югары Ослан муниципаль районының эре предприятиеләре җитәкчеләре укуы
Россия Федерациясе Президенты В.В. Путинның «2024 елга кадәр чорга Россия Федерациясе үсешенең милли максатлары һәм стратегик бурычлары турында» гы 254 нче номерлы Указын тормышка ашыру кысаларында Югары Ослан муниципаль районында « Хезмәт җитештерүчәнлеге»милли проектының төбәк компетенцияләр үзәге вәкилләре белән киңәшмә узды. Киңәшмәдә «Клекер» ҖЧҖ, «Вельветте Марин» ҖЧҖ, «Таткрахмалопатока» АҖ, «Дивный берег» ҖЧҖ, «Югары Ослан «Агрофирмасы»ҖЧҖ җитәкчеләре һәм вәкилләре катнашты.
Киңәшмәне Югары Ослан муниципаль районы башлыгы Марат Зиатдинов алып барды. Киңәшмәдә район башлыгы урынбасары Сергей Осянин, Башкарма комитет җитәкчесенең социаль-икътисадый үсеш буенча урынбасары Наталья Маннапова, территориаль үсеш бүлеге башлыгы Олеся Авылова, партиянең җирле бүлекчәсе вәкилләре катнашты.
Җыелучылар алдында хезмәт җитештерүчәнлеге өлкәсендә компетенцияләр төбәк үзәге вәкиле Владислав Бурдиков чыгыш ясады. Киңәшмәдә катнашучылар үзләренең күпсанлы сорауларына тулы җаваплар алдылар.
Киңәшмәдә күп тапкырлар чыгыш ясаган район башлыгы Марат Зиатдинов җитәкчеләргә Төбәк Үзәге вәкиленең тәкъдимнәре белән кызыксынырга тәкъдим итте.
Фәридә Янтыкова