Югары Ослан муниципаль районында гаилә тормышы юбилярларын хөрмәтләү
2022 нче елның 7 нче июлендә Югары Ослан муниципаль районының Яр буе Морквашы авыл җирлегендә Зайцев Владимир Иван улы һәм Людмила Степан кызы зөбәрҗәт туйларын билгеләп үттеләр. Зайцевларның бергә яшәгән еллары-ул чын байлык. Еллар аша алар Мәхәббәт һәм хөрмәт, үзара аңлашу һәм ышаныч, бер-берсе турында кайгырту хисләре кичерделәр, өй учагының җылысын саклап калдылар. Бер кыз тәрбияләп үстергәннәр. Владимир Иванович «Рубин» футбол командасы ветераны, Татарстан Республикасының атказанган юристы.
Бергә гомер итүләренең 55 еллыгы уңаеннан ирле-хатынлы Зайцевларның исемнәре «районның уртак тормышының мактаулы юбилярлары» китабына кертелде, алар анда үз имзаларын куйдылар. ГХАТ бүлеге җитәкчесе Н.А. Кадыйрова юбилярларга сәламәтлек, иминлек, тынычлык һәм озын гомер теләде, Югары Ослан муниципаль районы башлыгы М. Г. Зиатдиновның Рәхмәт хатын һәм истәлекле бүләк тапшырды. Яр буе Морквашы авыл җирлеге башкарма комитеты сәркатибе К. Г. Котдусов юбилярларны котлап, бик күп җылы сүзләр әйтелде. Яр буе Морквашы китапханәсе китапханәчесе И.Р. Прохорова катнашты.