Татарстан Республикасы финанс, казначылык һәм салым органнарының республика киңәшмәсе
2022 елның 31 октябрендә Татарстан Республикасы финанс, казначылык һәм салым органнарының видеоконференция режимында республика киңәшмәсе булды, анда агымдагы елның 9 аенда Татарстан Республикасы берләштерелгән бюджетын үтәү йомгаклары тикшерелде һәм ел ахырына кадәр бурычлар каралды.
Татарстан Республикасы Президенты Рөстәм Миңнеханов Татарстан Республикасы финанс, казначылык һәм салым органнары киңәшмәсен үткәрде.
Киңәшмә эшендә Югары Ослан муниципаль районы башлыгы Марат Зиатдинов, Югары Ослан муниципаль районы Башкарма комитеты җитәкчесенең социаль-икътисади мәсьәләләр буенча урынбасары Наталья Манапова, Финанс-бюджет палатасы рәисе Елена Колесова, милек һәм җир мөнәсәбәтләре палатасы рәисе Любовь Потапова, Татарстан Республикасы Финанс министрлыгының Югары Ослан ТОКК җитәкчесе Мария Алексеева, район мәгариф һәм мәдәният бүлекләре вәкилләре катнашты.
2022 елның 9 ае эчендә республика салым органнарының эш нәтиҗәләре һәм 2022 ел азагына кадәрге бурычлар турында Федераль салым хезмәтенең Татарстан Республикасы буенча идарәсе җитәкчесе Марат Сафиуллин хәбәр итте.
Федераль хезмәт җитәкчесе Рөстәм Нуриәхмәтов агымдагы елның 9 аенда Татарстан Республикасы буенча Федераль казначылык идарәсенең эш йомгаклары һәм 2022 ел азагына кадәр бурычлар белән чыгыш ясады.
Ахырда Татарстан Республикасы Президенты Рөстәм Миңнеханов билгеләп үткәнчә, агымдагы елның 9 ае эчендә кайбер районнарда физик затлар кеременә салым, җир салымы буенча керемнәр кимегән. Рөстәм Миңнеханов муниципалитетлар җитәкчелеген әлеге вәзгыятьне игътибар белән тикшерергә чакырды. 2021 ел өчен исәпләүләр буенча салым бурычларын түләүгә һәм милек салымнарын түләүгә аерым игътибар бирергә кирәк.