Югары Ослан муниципаль районында юбилярларны котлау
2022 елның 18 ноябрендә Югары Ослан муниципаль районының Яр буе Морквашы авыл җирлегендә Столяровлар Анатолий Михайлович һәм Нина Николаевна гаилә тормышының бриллиант юбилярларын хөрмәтләү тантанасы булды. Озын гомер кичергән бәхетле пар, чыннан да, соклана, чөнки эчкерсез яратучан һәм тугры ирле – хатынлы гына күп еллар шатлыкларын һәм сынауларын уртаклаша ала.
Ирле-хатынлы Столяровлар матур һәм тату гаилә кордылар, өйдә мәхәббәт, татулык һәм иминлек сакладылар. Балалар һәм оныклар өчен алар һәрвакыт дус һәм хөрмәткә лаеклы гаилә кору, игелек һәм тугрылык, намус һәм эш сөючәнлек үрнәге булачаклар.
Бергә яшәүнең 60 еллыгы уңаеннан Столяровлар гаиләсе исемнәре «Районның мактаулы юбилярлары» китабына кертелде, алар анда үз имзаларын куйдылар. ГХАТ бүлеге җитәкчесе Наталья Кадыйрова юбилярларга сәламәтлек, иминлек, тынычлык һәм тагын да озын гомер теләде, Югары Ослан муниципаль районы башлыгы Марат Зыятдиновның Рәхмәт хатын һәм истәлекле бүләк тапшырды. Юбилярлар адресына Югары Ослан муниципаль районының Яр буе Морквашы авыл җирлеге башкарма комитеты сәркатибе Ксения Саттаровадан бик күп җылы сүзләр яңгырады.