Казанда архив конкурсларында җиңүчеләрне хөрмәтләү
1 декабрьдә Казанда "Татарстан Республикасы муниципаль берәмлекләрендә ведомство архивын Формалаштыру һәм дәүләт хезмәтләрен электрон формага күчерү" Архив эше буенча Татарстан Республикасы Дәүләт комитеты коллегиясе узды.
Коллегиядән соң «Минем шәҗәрәм», «гаилә архивын тапшыр», архивларга грант ярдәме конкурсларында җиңүчеләрне бүләкләү тантанасы булды.
Югары Ослан муниципаль районы Башкарма комитетының архив эше буенча секторы «Татарстан Республикасы Архив фондын Татарстан Республикасы тарихы буенча аудиовизуаль документлар белән тулыландыру»номинациясендә Татарстан Республикасы муниципаль архивларына грант ярдәме алуга конкурста җиңүче булды. Трипод белән видеокамера алу өчен сертификат Югары Ослан муниципаль районы Башкарма комитеты җитәкчесе Илнур Шакировка тапшырылды.
«Минем шәҗәрәм» республика конкурсында Югары Ослан мәктәбе укучысы Инга Мякишева призер булды. Ул мактаулы 3нче урынны алды һәм кыйммәтле приз – электрон китап алды.
Нәсел шәҗәрәләрен өйрәнүгә багышланган архив конкурслары ел саен үткәрелә. Киләсе елда яңа катнашучыларны көтәбез.
аться