Өмә үткәргәндә хезмәтне саклау чаралары
Традиция буенча, яз көне бөтен ил буенча оешмаларда өмәләр уза. Эшчеләрнең үз предприятиеләрен (учреждениеләрен) төзекләндерү буенча өмәләрдә катнашуы, әгәр аларның хезмәт функцияләрен тасвирлау әлеге чараларда катнашуны таләп итмәсә, бары тик ирекле характерда. Хезмәткәрнең хезмәт функциясе (ул нәрсә эшли һәм ни өчен акча ала) хезмәт килешүендә (килешү составындагы вазифа инструкциясендә) тасвирлана.
Эш бирүчегә аның хезмәткәрләренең өмәдә катнашуы, һәрхәлдә, Хезмәт кодексы нигезендә, билгеле бер бурычлар йөкли. Эш бирүче максатчан инструктаж үткәрергә, хезмәткәрләрне шәхси саклану чаралары һәм кирәкле инвентарь белән тәэмин итәргә тиеш. Барлык өмәләр дә куркынычсызлык таләпләрен үтәп үткәрелергә тиеш.
Эш башкарганда хезмәткәрләр имгәнгән очракта, эш бирүче җаваплы булачак. Производствода травма рәсмиләштергәндә Социаль иминият фондыннан хезмәткәргә вакытлыча эшкә яраксызлык буенча пособие түләнәчәк. Эш бирүче җәрәхәтләнгән хезмәткәрне медицина, социаль һәм һөнәри реабилитацияләүгә, шулай ук, бәлки, мораль зыянны компенсацияләүгә чыгымнар кичерәчәк.