Алексей Песошин югары бүләкне Югары Ослан егете Сергей Плехановка тапшырды
Чәршәмбе, 19 июльдә, Казан Кремлендә сәнәгать, төзелеш һәм транспорт хезмәткәрләренә, медицина даирәләре, мәдәният, массакүләм мәгълүмат чаралары һәм башка өлкәләр вәкилләренә Россия һәм Татарстан дәүләт бүләкләрен тапшыру тантанасы узды. Бүләкләрне республика Премьер-министры Алексей Песошин тапшырды.
"Намуслы эшегез өчен рәхмәт. Һәркемнең үз эшчәнлеге өлкәсе, үз юлы бар, әмма барыгызны да үз эшенә тугрылык берләштерә», – дип мөрәҗәгать итте Дәүләт бүләкләре лауреатларына ТР Хөкүмәте башлыгы.
Ул билгеләп үткәнчә, берләшү һәм уртак көчләрне барлыкка килгән бурычларны хәл итүгә юнәлтү – илнең иминлеге һәм социаль-икътисади үсешенең нигезе.
"Татарстан-традицияләрнең күпкырлылыгының, кунакчыллыкның, халыкларның бердәмлегенең уникаль мисалы. Проектларны уңышлы тормышка ашыру һәм социаль-икътисади үсеш республика халкының көндәлек хезмәте нәтиҗәсе булып тора. Нәкъ менә сезнең талант, тырышлык һәм ныклык республикабызны көчле һәм чәчәк атучы итә», – дип нәтиҗә ясады Алексей Песошин.
Бүләкләнүчеләр арасында якташыбыз, «Әфганстан ветераннарының Россия берлеге» гомумроссия иҗтимагый оешмасының Югары Ослан бүлекчәсе рәисе Сергей Александрович Плеханов та бар. ТР Раис Указында болай диелә: «үсеп килүче буынны хәрби-патриотик тәрбияләүгә һәм республикада ветераннар хәрәкәтен үстерүгә зур өлеш керткән өчен, актив иҗтимагый эшчәнлек өчен»Фидакарь хезмәт өчен"Татарстан Республикасы медале белән бүләкләргә".
Искәртеп узабыз, указ гыйнвар ахырында ук имзаланган иде. Медальгә килгәндә, ул Татарстан Республикасының Дәүләт, икътисадый, социаль һәм мәдәни үсеше өлкәсендә, Республиканың икътисадый, фәнни һәм техник потенциалын үстерүдә хезмәттәге югары казанышлары өчен гражданнар бүләкләнә.