Игорь Егоров Россия Тикшерү комитетының Татарстан Республикасы буенча идарәсенең районара тикшерү бүлеген җитәкләде
Югары Ослан районында РФ Тикшерү комитетының Татарстан Республикасы буенча Тикшерү идарәсе районара тикшерү бүлегенең яңа җитәкчесе билгеләнде. Ул юстиция майоры Игорь Геннадьевич Егоров була.
Безнең белешмә:
Игорь Егоров тикшерү органнарында 2012 елдан бирле хезмәт итә. Хезмәт эшчәнлеген ТР буенча Россия СК СУ Тукай МРСО өлкән тикшерүчесе вазифасыннан башлый, аннары биш ел дәвамында Казан шәһәренең Яңа Савин районында аеруча мөһим эшләр буенча тикшерүче булып эшли. Хезмәтнең иң соңгы урыны-ТР буенча Россия Тикшерү комитетының үзәк аппараты.
Бүгенге көндә районара тикшерү бүлегендә нибары 5 кеше эшли, алар җитәкче, аның урынбасары һәм өч тикшерүче. Алар Югары Ослан, Кама Тамагы, Кайбыч һәм Апас районнары территориясендә кылынган җинаятьләрне тикшерәләр.
"Якын арада без район территориясендә кылынган иң резонанслы җинаятьләр буенча мәгълүмат бирәчәкбез. Алар арасында Иннополиста зур урлау, балигъ булмаганнарның җенси кагылгысызлыгына каршы җинаять, үтерү һәм башкалар", - дип хәбәр итте безгә Игорь Геннадьевич.
Егоров шулай ук район гражданнарының дүшәмбе һәм сишәмбе көннәрендә 10.00 сәгатьтән 12.00 сәгатькә кадәр уздырыла торган шәхси кабул итүгә язылырга мөмкинлеген искәртте. Әмма кабул итүнең 8(843-79)22497 телефон номеры буенча алдан язылу буенча баруын төгәлләштерде. Моннан тыш, шимбә көннәрендә гражданнарны Россия Тикшерү комитетының Татарстан Республикасы буенча Югары Ослан МРСО дежур хезмәткәре 09:00 сәгатьтән 12:00 сәгатькә кадәр кабул итә, ә гражданнардан җинаятьләр турында хәбәрләрне кабул итү көн саен дежур тикшерүче тарафыннан башкарыла.